تازه ویډیو

دمسکراتو اونشه یی توکو دجرایمو پرضد دمبارزی عدلی اوقضایی مرکز څه دی ؟

نور ویډیو

زموږ په اړه

CJTF Building

دمسکراتو او نشه یي تو کو دجرایمو پرضد دمبارزي عدلي او قضایي مرکز چې په ۱۳۸۴ لمریز کال کې د نشه یي توکو ملي استراتیژي د کنترول او د مسکراتو او نشه یي توکو دقانون له مخي د افغانستان اسلامی جمهوریت لخوا جوړ شوی

ادامه

جمهور رئیس غني د ایران له جمهور رئیس ‌حسن روحاني سره وکتل

2017-08-05 CJTF Photo

 

د افغانستان د اسلامي جمهوریت جمهوررئیس محمداشرف غني د ایران د منتخب جمهوررئیس ډاکټر حسن روحاني د لوړې په مراسمو کې د ګډون په خاطر نن سهار تهران ته ورسېد او لومړی یې جمهوررئیس روحاني سره وکتل.

 په دغه کتنه کې چې د ایران د جمهوري ریاست په ماڼۍ کې وشوه، لومړی د ایران منتخب جمهوررئیس ډاکټر حسن روحاني جمهوررئیس غني ته هرکلی ووایه او تر څنګ يې په افغانستان کې د وروستیو تروریستي پېښو له امله د افغانستان دولت او خلکو سره خواخوږي او غمشریکې وکړه.

جمهوررئیس غني د هغه له همدردۍ او خواخوږۍ څه مننه وکړه او د دویم ځل لپاره یې د ایران د اسلامي جمهوریت د جمهوري ریاست په ټاکنو کې د بریالیتوب مبارکي ورکړه.

جمهوررئیس روحاني وویل، افغانستان او ایران د ګډ فرهنګ لرونکي وروڼه او ملګري هېوادونه دي او موږ ته له افغانستان سره ارتباط ځانګړی اهمیت لري او زیاته یې کړه: موږ ته د افغانستان امنیت مهم دی او ایران چمتو دی چې افغانستان سره د امنیت په برخه کې همکاري وکړي.

روحاني څرګنده کړه، د ایران خلک د تحمیلي جنګ تجربه لري او د افغانانو اوسنی حالت درک کولی شي. هغه وویل، ایران نږدې څلور لسیزې په بېلابېلو دورو کې د افغانستان تر څنګ ولاړ پاتې شوی دی او اوس هم د سلګونو زره افغان کډوالو کوربه توب کوي.

د ایران منتخب جمهوررئیس زیاته کړه، موږ د لا زیاتو او نږدې اړیکو غوښتونکي یوو، له ایران څخه هرات ته د رېل پټلۍ غځېدل او دغه راز د چابهار بندر د دواړو هېوادونو ترمنځ د همکاریو د وصل نقطه جوړیدای شي.

روحاني علاقه څرګنده کړه چې د افغانستان او ایران ترمنځ پوله د همکارۍ او دوستۍ په پوله بدله شي او همدارنګه یې افغانستان سره د کانونو، صنعت، سوداګرۍ او زده‌کړو په ډګرونو کې د همکارۍ په خاطر لیوالتیا وښوده.

جمهوررئیس حسن روحاني د افغانستان او ایران ترمنځ په بېلابېلو برخو کې ګډو کمېټو ته اشاره وکړه چې څه موده مخکې يې کار پیل کړی دی، وې ویل: هیله لرم چې دا ګډې کمېټې ژر خپل کارونه بشپړ او د فرهنګ، سوداګرۍ، امنیت، اقتصاد او نورو برخو کې د یو جامع سند په سر توافق ته ورسیږو.

ورپسې د افغانستان د اسلامي جمهوریت جمهوررئیس محمداشرف غني هم په ایران کې پخواني تحمیلي جنګ ته اشاره وکړه وې ویل، تاسې رښتیا هم د داسې جنګونو او له هغو د را ولاړو شویو زیانونو ترخه تجربه لری او زموږ وضعیت ښه درک کولی شي.

جمهوررئیس زیاته کړه، اوس د جنګ بڼه بدله شوې ده، تروریستي ډلو د عراق په موصل کې له ماتې وروسته د سیمې هېوادونه په نښه کړي دي او د قاچاق او تګ راتګ ناقانونه لارې يې پرانیستي دي، موږ د تروریستي ډلو په ځانګړي ډول د داعش په ځپلو کې مشترک بحث ته اړتیا لرو.

جمهوررئیس غني وویل، موږ د داعش په مقابل کې د قوې شدید استعمال درلود او هره ورځ یې په افغانستان کې پر ضد سخت پوځي عملیات روان دي او زیاته یې کړه، دښمن په کلیو کې جنګ بایللی دی، نو ځکه یې پر عامه او سپیڅلو ځایونو لکه پر جوماتونو بریدونو ته مخه کړې ده.

محمداشرف غني د سرحدي امنیت اهمیت ته په اشارې وویل، د افغانستان لپاره د پولو امنیت خورا مهم دی، قاچاق‌کوونکي او د جرمي اقتصاد مافیا غواړي دا پوله ناامنه کړي او د دغې پولې د ساتنې په خاطر یې د دواړو هېوادونو ترمنځ په ګډې همکارۍ ټینګار وکړ.

جمهوررئیس غني د رېل پټلۍ، ټرانزیټ او چابهار بندر د افغانستان او ایران ترمنځ د همکارۍ مهم ډګرونه وبلل وې ویل، موږ هڅه کوو چې افغانستان د ایران او منځنۍ اسیا او چین ترمنځ د اتصال په مرکز بدل شي.

جمهوررئیس غني وویل، پخوا د دواړو هېوادونو ترمنځ د اوږدو مناسباتو لپاره طرحې نه وې موجودې، خو د ملي وحدت حکومت د دغه شان اړیکو د پراختیا لپاره د بنسټ او اساساتو د جوړولو په حال کې دی.

 هغه د افغان کډوالو د کوربه توب په خاطر له جمهوررئیس روحاني څخه په مننې زیاته یې کړه: موږ په په ایران کې میشتو افغان کډوالو لپاره د پاسپورټ او تذکرې اسانتیاوې او سرچینې برابروو، تر څو په ایران کې د افغان کډوالو دقیق شمېر معلوم شي.

جمهوررئیس وویل، د سوداګرۍ او ترانزیټ د پراختیا لپاره باید د ایران سره په ګډه پوله سرحدې نقطې زیاتې شي.

 دواړو جمهوررئیسانو د نشه‌يي توکو د قاچاق، چاپیریال ساتنې او د اعتیاد د معضلې په اړه هم خبرې او بحث وکړ.

ټاکل شوې ده چې جمهوررئیس غني به نن ماسپښین په ایران کې له میشتو یو شمېر افغان سوداګرو سره له کتنې وروسته ماښام مهال د ایران د منتخب جمهوررئیس ډاکټر حسن روحاني د لوړې په مراسمو کې ګډون وکړي.

ارگ